Bizitza ibilbide bat da: pauso gutxi batzuk eman eta bidegurutze batera iristen gara, erabaki berri bat hartzeko.
Irudikatzen al duzu zure aukera beti egokia den leku batean bizitzea? Horrelakoa da bizitza Pasealekun. Urumea ibaiaren ondotik ibil zaitezke hiriko erdialderaino. Edota Antondegiko tontor berderaino igo eta, handik, Igeldoko dorrea ikus dezakezu itsasoaren ondoan.
Pauso bakoitzean, nortasun handiko auzo baten historiaren eta etengabeko eraldaketaren erakusgarri diren elementuak aurkituko dituzu. Martutene landazabal bat zen urrezko garaira eramango zaituzten jauregi eta etxe nabarmenak. Sagarrondoak loretan, sagardoa, benetakotasun-kutsua ematen dioten baserriak.
Zure begien aurrean, pauso gutxira, bizitza berri bat duzu zain, eraikin moderno eta jasangarri batean, espazio zabal eta erosoekin, oinutsik ibili eta behar dituzun erosotasun guztiez gozatzeko.
Egunero bide berri bati ekiteko abiapuntu idilikoa da, izan lanera joateko, izan igande arratsalde atsegin batez gozatzeko Urumea ibaiaren ondoan. Eta etxean geratuz gero, gela handiak dituen etxebizitza moderno baten erosotasunaz gozatu ahal izango duzu. Pasealeku Bizigunea bat, bi eta hiru logelako etxebizitzez osatua dago, eta guztiek terraza zabalak eta bista garbiak dituzte.